【女神收割机】罗天宇现身撑绯闻女友戴祖仪

etin

歌手戴祖仪（Joey）近日举办以纪念一代已故篮球巨星Kobe Bryant生日为主题，嘅小型艺术展览，吸引多位圈中好友前往支持，而Joey亦有逐一合照放上社交网以示答谢，当中除咗森美、陈晓华、林颖彤等人外，最大亮点系“绯闻男友”罗天宇都有现身撑场，有“女神收割机”之称嘅罗天宇仲唔避嫌，喺社交网甫出同Joey嘅合照，撑绯闻女友撑到出晒面！至于另一对绯闻情侣前港姐冯盈盈及大只主播郑衍峰，都有现身支持Joey，不过佢哋则相对避忌，只得各自同Joey嘅合照，未有同框。

Joey受访时话：“主要目的系纪念呢个传奇球星，拣喺8月23、24日咁有代表性嘅日子去搞，好多篮球迷都好支持，我都冇谂到爆到咁，依家考虑可能加开多一日。”

Joey落手落脚去筹画，除咗本地的艺术家，亦联络海外嘅新派艺术家：“主要同艺术家去沟通，你知每个艺术家都有自己嘅性格同脾气，我哋用诚意去倾。”今次展品以画量最多，以Kobe同签名波鞋、波衫同埋篮球。

忙于拍剧同主持节目嘅佢透露展览由筹备至今，只系用咗短短几个月，佢本身锺意艺术，所以完全不觉得辛苦：“第一次搞展览系辛苦，但好满足，除咗今次以Kobe系列主题嘅展览，之后都会有唔同系列嘅展览。”讲到绯闻男友罗天宇都有到场，佢话：“今次我系搞艺术展览，唔想扯到去绯闻。”