向娱乐新闻台主播发火？吕慧仪咁样讲...

etin

无綫艺人吕慧仪（长脚蟹）被指向娱乐新闻台主播周佩婷（Angel）发晦气一事，昨日长脚蟹为《爱．回家之开心速递》于电视城开工，对这个报道她连忙否认，并称不存在这件事：“我冇㷫，根本唔存在，寻日佢入嚟我哋正放饭，自己公司嚟采访当然欢迎，互相帮忙宣传嘛！”由于有指主播向阿蟹问：“你今日有乜嘢讲？”阿蟹称：“佢系有咁问，而我都有谂，我话不如讲剧情，仲倾得好开心，之后佢收电话话要上公司做啲嘢，导演就留低继续拍，（你冇笑住同人讲？）我好难唔系笑住讲喎，（知佢被闹？）唔知，过往探班啲主播我都认得，呢个就少见，可能呢排小新闻，今日丹爷（刘丹）见我都问我你发火就系咁咋！仲话丹爷、周嘉洛唔敢出声，都冇咁嘅事，我话我个仔都唔惊我呀！惟有当得啖笑，当宣传啦！”

事缘有爆料指阿蟹拍《爱》被Angel探访，对方见阿蟹就抛下一句：“你今日有乜讲？”阿蟹即无名火起，用好晦气的语气说：“你知唔知我哋拍紧嘢㗎！”Angel与摄影师亦只好无瘾离开录影厂。