江嘉敏“部长Look”送嫁畀人笑

etin

无綫新剧《食脑丧B》主要演员何广沛、江嘉敏、朱智贤、林凯恩、黎振烨和蒋志光，现身尖沙咀一间婚纱店取景。剧情交代何广沛家姐朱智贤跟黎振烨影婚纱相，全家出动影全家福，而嘉敏就以何广沛的伴侣身份出席，因嘉敏于剧中饰演黑道千金，故晚装都江湖味甚浓，被何广沛取笑是酒楼部长：“问我要普洱定铁观音！”嘉敏即反击对方似侍应生：“你好好呀？Waiter！我系Man啲，黑道大家姐唔会点着裙仔，着到咁已经系好尊重场合。”

因同剧演员李君妍的家姐日前确诊患新冠肺炎，李君妍现身处隔离营，何广沛自爆消息一出，即时去做了快速测试，暂未有报告：“深喉检验，自己戏份重、接触嘅人比较多，为咗保障大家、自己就去做咗，但求安心。”续坦言一听到消息好戥对方担心：“佢同屋企人系紧密接触，希望佢冇事，快啲复原，佢最新嗰份报告都系话呈阴性，冇事就最好，最紧要身体健康。（知唔知佢仲有冇戏份？）以我所知唔系好多，唔知公司点安排，但会尊重公司嘅决定。”

见嘉敏手持外形似咖啡杯的便携式空气清新器，她说：“埋位嗰阵冇得戴口罩，少咗重保障，惟有去到边都揽住。”何广沛突然“投诉”：“有次拎个道具咖啡杯，佢以为我拎咗佢部嘢！”搞到身旁的嘉敏爆笑不语。