視后大熱！李佳芯爆男友冇睇《誇世代》

無綫藝員李佳芯在將軍澳電視城為新劇《BB來了》開工，無綫將於1月21日舉行台慶頒奬禮，「視后」之爭出現三強鼎立局面，以宣萱、李佳芯、唐詩詠呼聲最高。憑台慶劇《誇世代》成為視后大熱的李佳芯，被問到接近頒獎禮信心怎樣？她笑說：「依家多咗少少信心，因為多咗好多身邊人嘅鼓勵，呢排拍外景啲觀眾都叫我Paris，由師奶到細佬仔都讚我做得好，感受好深。」

李佳芯除了得到觀眾支持，同行亦有不少鼓勵，她說：「好似陳豪、張繼聰、馬海倫好多同事都畀咗好多鼓勵我。（有冇壓力？）冇，因為從來都冇諗過要攞啲乜。（男友點樣支持你？）一定支持嘅，但係佢都好似冇睇《誇世代》，哈哈。（男友會唔會嚟現場支持？）我都冇飛，有飛我都叫阿媽嚟。」唐詩詠近日拍片積極為視后拉票，李佳芯有甚麼方法拉票？她笑說：「依家忙緊拍劇，我出去拍外景見到觀眾，當係落區拉票，有提佢哋記得投我。」