李思捷首執導演筒助狄龍圓夢

藝人李思捷首執導演筒拍攝電影，請來狄龍與元秋飾演其父母，他則與多年好友蘇玉華演夫妻，上演一套合家歡電影。

思捷笑言執導難度不算大，因自己在電視台訓練多年，反而找演員最難，今次更請來狄龍演出喜劇角色，做一個能屈能伸的父親，但首先要過「龍嫂」陶敏明一關，狄龍指最開心能與元秋合作：「七小福我都合作過，就係差佢，今次真係好夢成真。」思捷表示：「我搵佢（元秋），佢即時包租婆上身，招牌嘴歪歪咁問我『有冇戲做先！』」他指元秋多演搞笑角色，今次有喊戲等感人演出，眼淚即時到位。而蘇玉華與思捷是多年好友，首次合演夫妻：「大家喺啲旅遊合輯演過夫妻咁囉，一直好恨再合作。」思捷能夠請來一班好友力撐，因獲演員感覺到其專業，狄龍與元秋大讚思捷用心安排圍讀，拍攝前大家已有默契，與過往拍戲經驗不同。

片中另一演員林敏驄被指是「娛樂圈最麻煩友仔」，但狄龍意外地與他最投契，他說：「最欣賞佢嘅《愛在深秋》寫得咁好，係好有才華嘅年青人。」狄龍更與阿驄在戲中大講法文，事前沒有安排，令思捷寫字幕時大感頭痕：「但睇番啲對白係make sense嘅，唔係亂咁講㗎！」

boyyyee

brita滤水壶brita滤水壶