冬天潛水！黃長興為高Ling凍足廿分鐘

藝人高海寧（高Ling）與黃長興到大埔為新劇《BB來了》拍攝一場求婚戲，劇情講到長興向高海寧求婚，但期間戒指不慎掉落水，長興跳入水中找戒指，並要求對方若找回戒指便要答應求婚，早已準備兩隻戒指求婚成功！雖然天氣已經轉暖，但長興在水中浸足二十分鐘，又要潛水找戒指，認真辛苦！

長興落水前與高Ling接受訪問，雖然天氣剛好轉暖，但他坦言怕凍，獲太太貼心為他做準備：「佢尋日買定潛水衣畀我，佢怕我落水會凍！」高Ling笑指西裝加上潛水衣的長興「全副武裝」上陣呻熱，希望快快下水但又怕凍，長興表示與高Ling已多次合作，首次演一對離離合合的情侶，劇情有交代他因分手借酒澆愁，又笑言當正高Ling是女友，不怕太太呷醋。

而高Ling被問到會否喜歡另一半炮製驚喜？她笑言：「梗係鍾意，女仔都會鍾意嘅。（試過有男士畀驚喜你？）一定有，做少少有心思嘅都開心啦！」早前高Ling慶祝30歲生日，問到如何度過，她表示：「同朋友食飯，上年開Party好開心，但今次要開劇，所以同唔同朋友分開食，都食咗幾晚。（男友鄧智偉食邊日？）每一晚都唔同朋友喎！（有送禮物？）冇表示喎，冇收到禮物。」講到生日願望，高Ling表示：「希望多啲機會拍劇，試唔同角色，我8月先再開劇，希望監製再搵我啦！（拎女配角？）每年都有參與，但今次身邊朋友對我信心大好多，如果拎到獎就係鼓勵，要多謝導演、監製同咁多好對手。」