人工得1500蚊！黎諾懿伯樂都係陳志雲

藝人黎諾懿亦與唐詩詠同期出道，亦與姚子羚、詩詠等人一齊拍無綫劇《當四葉草碰上劍尖時》，諾懿稱自己遭遇雖跟詩詠不同，但他的伯樂，原來與詩詠一樣是陳志雲：「當年我讀訓練班得1,500蚊車馬費，後來出嚟實習就有3千幾蚊人工，到正式出嚟拍劇，都有6、7千蚊一個月，但都唔夠㗎，好彩自己之前做銀行有啲積蓄，屋企就由阿哥負擔啦！（生活難捱？）雖然冇女藝人咁慘要買衫、化妝品，但到就快用完啲人工，就會有一啲活動畀我哋做，僅僅急救到生活！（有冇人幫過？）我都有個伯樂，令到我有一個人生轉捩點，佢就係陳志雲！當年第三季《舞動奇跡》，佢安排我參賽，好彩贏到冠軍，做咗舞王，打開內地巿場，當年由冇人識變到有人搵我做嘢，所賺嘅錢比起無綫都多好幾倍㗎，真係好好彩！