【領悟到嗎？】楊千嬅獲老公傳授減壓秘方：將靈魂由腳趾連接個腦

楊千嬅的跨年演唱會，昨晚平安夜舉行第2場，千嬅換了3套全新靚造型出場，歌迷表現熱情，快慢歌都全場大合唱，唱《可惜我是水瓶座》時，千嬅換了新造型出場，黑色單袖全身長裙，身材弗爆﹑狀態大勇，之後千嬅說：「希望大家都做到自己理想、願望達成、找到喜歡的人跟他/她表白...今（昨）日有無人識了新朋友買飛帶他來看，想發展吓？好多男女睇我演唱會搞掂咗，我助手也是看我演唱會，認識了她老公，結婚生仔，好旺呀！」

另一新造型就是唱《野孩子》時亮相，白色裙襬好像巨型聖誕掛飾，誇張又搶眼，但裙襬又長又重，令千嬅舉步為艱，她搞笑求救：「我條腰好冤（痠痛），有無人上台幫我按摩？」講到有壓力要放鬆，千嬅表示老公丁子高是高手，她說： 「我以前很介意別人講我乜乜物物，現在不介意，因為即是有人關心和留意我，就算那些說話令我好嬲、好忟憎，都值得珍惜！以前我好執著，後來被我先生（丁子高）薰陶，但我慧根領悟唔到！例如今次搞演唱會前期好緊張，某日有些事又不順利，搞到我好忟，丁生叫我坐低，冷靜一下！」

千嬅模仿老公慢慢地說：「合埋對眼、深呼吸，諗住你個腳板底（此時全場爆笑），由腳趾感受當下，靈魂連接身體，由腳趾到腳板底，上小腿到大腿......」千嬅說：「他由腳趾講到個腦，足足講了15分鐘，其實我當時仍然好嬲好忟，但冇再講，因為我知我再講只會更嚴重。雖然我冇成功連接到我身體，但丁生成功連埋我把口！你們也可以試試，原來呢種『冤』都可以增進感情！」全場爆笑。