繼續玩HeHe！森美送紅心同陳豪示愛

藝人陳豪、森美、李佳芯及麥明詩等今午到馬鞍山宣傳無綫台慶劇《誇世代》。森美搞氣氛，甫上台即向陳豪送上紅心「示愛」，又熱情擁着對方合照，延續劇中的HeHe，他更預告周三將會在劇集內再登場。

森美與陳豪孖住受訪。問到二人是否「朝思夜想」，森美笑講：「唔係成日聯絡，一個月做嘢見幾次囉，唔想我哋嘅太太誤會呀，要好好控制吓自己。」森美自爆太太及仔女去了旅行，他作勢問陳豪是否有空約會，卻遭忙湊仔的陳豪婉拒，森美搞笑謂：「我又嚟幫吓手，三人行一人湊一個，返屋企幫佢個仔換完尿布上埋床瞓，哈哈哈！」

陳豪表示子女們忙於入學面試。問到他可會向過來人森美討教，森美即謂：「佢兩公婆叻，我就啲仔女叻，我冇嘢可以教到佢，一係帶啲仔女去佢屋企教吓囉。我哋兩個冇行啫，但我唔會放過對親家嘅機會，睇吓我個女同佢邊個仔啱囉。（佢個大仔都係得幾歲咋。）我個女11歲，但戀愛冇年齡界限。我個女好鍾意睇電視劇，更加會追陳豪嘅演出。」