公開追數！陳浩民嗌無奈：人在做天在看

藝人陳浩民從影多年，有無數嘅經典作品，講到最為人熟悉，當然要數到孫悟空一角，早前佢喺內地電影《鬥戰勝佛》中再演孫悟空，令人相當期待，不過當中似乎有金錢上嘅糾紛。事緣陳浩民今日喺微博轉截該電影嘅網上截圖，並寫道：「賠錢可能相安無事，幫你賺了錢反而翻臉不認人，無奈，人在做天在看，你們是逃不了的，我會用盡一切辦法，去維護我的權力，簡單的說就是收足錢為止。 ps 別再打著（着）我的名號去蹭IP圈錢了」

陳浩民接受東網訪問，佢話收唔到尾期酬勞，但欠款幾多就不便透露，佢話：「多謝關心，因為收唔到啲尾期，所以發吓微博發吓牢騷，呢部係網絡大電影。而家一切交由經理人處理當中，唔方便透露太多。」