唔係謝雪心！王浩信揭《致命》終極Boss？

藝人王浩信及陳自瑤（Yoyo）夫妻檔出席商場聖誕活動，期間應要求擺出不同華爾茲舞蹈甫士，有份演出台慶劇《致命復活》的浩信，透露受劇集效應，近排多了不少賺外快機會，令他感恩非常。

對於丈夫兩線台慶劇也有份參與，亦獲觀眾喜愛，Yoyo大感高興，浩信聞言即重提她與陳煒於《幕後玩家》的「sheshe之吻」，更謂：「我淨係睇相都火滾！好在我新劇都同張振朗玩hehe，唔係咀，係沖涼，場戲幾得意，大男孩成分啫！」Yoyo對此謂：「我以為佢幫你擦背添！但估唔到香港同內地粉絲接受到我同女性kiss，仲話鍾意添！」

Big Boss排除謝雪心

談到不少網友睇《致》劇相當投入，紛紛猜想誰是終極big boss，浩信大賣關子謂：「透露咗就唔好玩，但我點都會講啲，之前有同知道結局嘅同事傾開，知嘅人五隻手指數得晒，佢哋對big boss反應係喜出望外，但我只可以講唔係我阿媽謝雪心。」其中一個知結局的幸運兒便是Yoyo，她謂：「我同佢講我未必有時間睇，所以都追問結局，聽到都覺得意外嘅。」

開工捕獲發哥

而浩信更指日前外景開工遇上影帝周潤發，他謂：「最開心係佢問我圍頭話係咪好難學，證明佢有睇套劇。（有冇叫發哥投你視帝一票？）唔好啦！相信佢眼睛係雪亮嘅。」

夫妻最重要溝通信任

面對公司同事李潤庭的婚外倩，乃圈中模範夫妻的浩信與Yoyo表示維繫夫妻關係最重要是溝通及信任，Yoyo更謂：「自己有個好家庭要好好珍惜，成日都有呢個諗法，就唔會失去自己家庭。」