溫碧霞今日都出現灣仔會展ViuTV嘅啟播禮,佢話剛接咗ViuTV一個30集長劇,內容係圍繞咖啡室每日發生嘅唔同故事。溫碧霞仲話會同一啲新人合作,有楊淇同盧海鵬,佢話:「我覺得好有新鮮感,今次拍劇唔會同熟口熟面嘅人合作,外景大部份喺香港拍攝,o依家佢哋寫緊劇本,下個月就開工,暑假就同大家見面。」
溫碧霞近年主攻內地巿場,佢都好少拍本地電視劇,佢話:「對上一套係《封神榜》,都十年前嘅事,我都掛住觀眾。」ViuTV今次邀溫碧霞合作,條件好遷就佢,每日工時唔長,佢話:「每周出兩集,所以唔會太辛苦,仲會就我拍電影同廣告嘅期,各方面配合好。」溫碧霞都好期待ViuTV可以培育多啲新面孔同導演,至於酬勞係咪可觀,佢話:「錢唔係問題,最緊要滿足感,我好耐未試過喺香港拍劇。」
|