《尋秦記》秦始皇hehe之謎

《尋秦記》中演秦始皇嘅林峯角色性格陰沉，完全冇女埋身！而歷史上好多皇帝為了令王朝千秋萬載，都會不斷立妃嬪為自己開枝散葉，藉此鞏固皇族權位！秦始皇當然都唔例外，不過，似乎又真係未聽過秦始皇後宮之事，就連佢皇后、有幾多妃嬪，大家都未必知！更有傳秦始皇係hehe一族，到底係咪真呢？

秦始皇姓嬴名政，秦莊襄王之子，出生於趙國首都邯鄲(今河北省邯鄲市)。西元前247年，秦始皇13歲即位到22歲親政，自後來39歲統一六國建立秦朝，至50歲離世期間，歷史只記載佢暴政，對於其立皇后和後宮之事鮮有傳聞，更有傳秦始皇係hehe之人！不過，有指秦始皇之所以咁兇殘同唔立皇后，原來係母親趙姬嘅淫行，令佢失去對人尤其女人嘅信任，留下永不磨滅嘅陰影！

始皇母親荒唐淫亂

原來秦始皇母親趙姬生活非常淫亂，根據野史記載，秦始皇生父非秦國國君(莊襄王子楚)，而係趙國富商呂不韋。當時秦莊襄王子楚仲係太子時候，於趙國結識了富商呂不韋，呂不韋妻子趙姬係一名舞姬，甚具姿色，子楚要求呂不韋獻上妻子，呂不韋為了巴結對方，於是將趙姬送上！趙姬亦希望以此換取榮華富貴，於是欣然接受，當時趙姬腹中懷有呂不韋孩子，即後來秦始皇嬴政！子楚即位後，趙姬順理成章當皇后，呂不韋被封為宰相，掌握大部分權力。秦莊襄王在位三年便去世，而秦太后趙姬實在寂寞難耐，便同呂不韋舊情復熾，經常在宮中卿卿我我，更做出苟且之事！