【「深度」點評】對咗成晚 彭浩翔回味蒼井空：欣賞其中之深度和暗勁

蒼井空老師現身香港，先係喺置地廣場俾我哋捕獲，原來噚晚仲去咗大埔某排檔——拍嘢……係就係拍戲，不過係拍電影《同班同學》，噚晚導演陸以心同監製彭浩翔都喺度，仲有新面孔郭奕芯(Ashina)同男神王宗堯添。王宗堯同蒼老師有對手戲，唔使多講，一定係男神嘅夢中情人啦。

Ashina喺戲中仲會三點盡露，咁蒼老師呢……例如低胸或裸露咁？佢話:「唔知性感定義係乜嘢，我嘅角色表現係獨有性感。」仲話今次只係客串:「希望觀眾透過客串知道我嘅存在之餘，會幫到其他演員演出。蒼老師果然係世界的，任何時候都心繫大家……可惜，佢只係來港開一日工咋。

噚晚在場嘅彭浩翔，對住蒼老師成晚，可能呢一刻仲回味緊，方才於fb寫道:「一直有收藏蒼井空老師作品，每次網絡上看到，都立馬拉下存檔。我非常欣賞其中之深度和暗勁，徐疾有致，氣宇軒昂。乃為力學美感的結合。定期重溫，見證蒼井老師成熟，並每次均有新的發現與領悟，亦啓蒙了我在個人技巧上的提升，潤澤一整代年人之成長。因此蒼井老師，實在堪稱這世代不可多得之書法家。」

彭導寫AV點評(定係書法XDD)，其「深入淺出」更令人拜服！