蕭定一拍《天若有情4》 王宗堯做新華Dee

admin

已故針織大王羅定邦孫女羅君兒綁架案哄動全城，綁匪迄今未全部落網，蕭定一已看準綁架案部份過程，作為《天若有情4》的故事藍本，由今年初他已經有構思買下版權開拍《天4》，當時已經想寫城中知名富豪女兒被綁要求巨額贖款，但想不到其中一名綁匪竟然愛上了富家女，瞞着其他同謀放走富家女，之後兩人譜上愛情戀曲。

蕭定一昨日證實已在籌備這部片，他在電話中說：「其實我一早諗咗開拍《天若有情4》，當初劇情係有綁架富家女，然後綁匪之一嘅華Dee憐香惜玉，不自覺愛上富家女。呢個係之前已度好嘅劇情，點知最近出咗羅君兒綁架案，如果將部份情節放入部戲應該會更豐富，可以增加商業元素。男主角華Dee我想畀王宗堯演、富家女就陳妍希做，爸爸角色最好由鄭少秋演，邵仲衡同黃光亮都會做賊匪，廖啟智就演警察指揮官，導演人選有幾個揀緊，心目中就想搵邱禮濤，覺得佢拍呢類型片幾適合。」

由於這宗綁架案警方還在調查中，問蕭定一會否擔心受害人和其家人不高興？他解釋：「其實我部戲主要係拍愛情故事，而且係打正招牌拍《天若有情4》，並唔係主力拍富家女被綁票，純粹攞部份被綁過程做藍本，所以應該唔會觸動到受害人嘅神經，部戲10月就會喺香港開鏡，等劇本修改好，就會陸續傾演員啲期啦！」

蕭定一公司要力捧王宗堯成為新一代偶像，大膽起用他演華仔曾演過的華Dee角色，昨日他接受電話訪問說：「我有留意嗰單綁架案，我最初睇係以為走犯，後來揭發咗受害人身份，我係識羅氏後人，當年我去英國讀書，我同佢哋後人係同學。」蕭定一有意開拍《天若有情》新版，並滲入綁架元素？王宗堯說：「我聽老闆（蕭定一）講過，知道題材有綁架線，但我好怕好似當年經典戲，怕比較，我一直覺得劉德華同吳倩蓮嘅《天若有情》係神級，無敵神戲，佢哋騎電單車一幕好深刻，無法超越。」

對於新片女主角意屬女神陳研希，王宗堯反問：「真係？」正好是香港男神配台灣女神，王宗堯卻說：「公司搵邊個演，我哋雖然無權過問同畀意見，但我好希望對手係香港女演員，我同陳研希唔熟，夾過先知夾唔夾。」


转自《苹果日报》