|
姜文杰喺《導火新聞線》中飾演攝影師「王子」,今晨八時許,姜文杰寓所樓下停車場,發生燒車事件,佢就即時化身攝影記者上身作實地採訪,並將相及片上載instagram。姜文杰表示:「鄰居拍門叫喊『你前面架車就爆炸啦,快d移開你架車啦!』我跳落床出嚟一睇 嚇死人咩?好大火啊!一個字『激』!架藍色寶馬燒到BBQ黑曬。」
姜文杰喺電話中表示,現場好多人圍觀,佢話:「我架車泊咗喺着火架車對面,幾恐佈㗎!咁啱三架都係寶馬,好似三兄弟咁。其實係中間嗰架先着火,聽車主講話新車落地一個月,一撻就冒煙,好彩人冇事,消防車十分鐘就到咗。但都想提醒車主,打火機位唔好插得太耐,好容易發生短路。」
問到點解當時唔即刻駛走座駕,而走去拍片做採訪呢?姜文杰表示:「可能睇得多《導火》,我都暱埋喺後面,少少「王子」上身,用囧報名義做啲嘢。」
2015/04/08 15:17
|
|