|
陸駿光同男神王宗堯噚晚出席港視劇《導火新聞線》首播飯局,王宗堯喺劇中與楊淇有濕吻場面,佢話同楊淇喺劇中係歡喜冤家,兩人相愛但唔敢愛。問到除咗濕吻戲外,仲有冇其他場面?佢話:「(劇中)喺出面錫完後,keep住情緒返家有床上戲,幫楊淇解衫鈕同錫佢條頸。」
而楊淇喺嗰場戲仲除剩內衣褲,佢讚楊淇唯美,咁有冇尷尬呢?王宗堯自誇有經驗:「乜你覺得我見到內衣褲會尷尬咩?」咁楊淇經驗多唔多先?佢話:「佢冇乜0架,拍呢場戲佢都驚及緊張,不過大家都唔係小朋友。」
陸駿光則表示婚事已搞得七七八八,佢話:「好多朋友主動打畀我,問點解唔請我呀?0依家可能加圍數。」佢表示已訂於8月22日擺酒22圍,佢話:「外父想熱鬧啲,當日喺外父屋企接新娘。」
咁度蜜月又點呢?佢話:「Book咗機票,會去泰國,先去清邁﹑曼谷,然後布吉,有一晚會住樹屋,400幾元一晚,好好體驗。」咁生B計劃又點?陸駿光則謂:「其實未準備,有都歡迎,自己都有啲驚,因為自己都係大細路,我啲姪仔比我教壞晒,未婚妻年紀仲細,想做多幾年嘢先。」
有冇請王維基去飲?佢話:「我冇佢電話,但打咗畀佢秘書,王生畀幾多人情冇所謂,最緊要拍劇搵我。」
|
|