钟嘉欣宣布3月开红馆骚 亲揭唱自创新歌有全新Rundown

etin

歌手锺嘉欣宣布下年3月将开红馆骚，留言：“香港，我回家了。我一直梦想著这一刻，而今天，我终于可以说出来…… 三月，我将会在红磡香港体育馆举行演唱会 ，每一首歌、每一段回忆、每一位这些年来一直陪伴着我的你……这场演唱会，是为你而开。lovelovelove -L-”票价分$1080/680/$480。对于今次惊喜开骚，锺嘉欣回覆道：“我其实系会喺12月嘅时候开个记者招待会嘅，所以到时我先会再讲多啲啲资料畀大家知。多谢你哋嘅祝福，我都好期待，终于可以返屋企！可以演唱会啦！”锺嘉欣续指自己去红馆演出都系自己梦想：“我知道我啲歌迷啊、啲观众啊、粉丝啊……都好想我有日开啰，咁其实我好挂住香港，咁所以今次可以递纸入到呢，其实真系一件好开心、好感动嘅事，我只想好好享受，同大家回忆返以前我哋好开心嘅时候，同埋送一啲祝福同埋啲新歌。我一直都有作，作咗好多首，一直陪住自己嘅成长、陪伴大家咁，总共自己嘅创作都有成14、15首㗎啦，咁嚟紧会继续作歌啰，咁最近就推出咗一首歌叫做《圆》，咁之后12月都会推出另外一首歌曲。”
锺嘉欣表示自己只系想尽情去享受当晚：“大家喺埋一齐嘅一个关系，同埋一段经历，所以我会好好enjoy the show，同埋做一场好有心思嘅show，全新嘅！全新嘅rundown嚟嘅！”而忙到冇时停嘅佢，寻日（20日）现身马来西亚The Knights Award，获得“The Multifaceted Entertainment Icon Of The Year(Hong Kong)”奖项，表彰佢入行逾二十年喺演艺与歌唱领域嘅多栖成就。嘉欣活动后接受访问时表示：“好开心可以拎到呢个奖，好幸运有机会成为一位歌手、演员，我有今日成果都系靠昔日嘅经验。我有8年冇嚟过马来西亚喇，好似返屋企一样，呢度都冇咩点变，嘢食都好好食。多谢大家。”