何依婷遭质疑着曼城假波衫 温柔亲回网友即软晒

etin

前港姐亚军何依婷2023年底嫁给物流才俊Cedric，去年顺利诞下爱女，正式跻身上流社会。日前佢兴奋分享一张身穿英超球队曼城主场波衫嘅靓相，点知分享日常变惹上“假波衫”疑云！有一名网民留言质疑何依婷身穿假波衫，指波衫印字有异，怀疑送衫畀何依婷嘅朋友可能受骗：“何依婷小姐，你个朋友系咪跣你呀！？曼城主场波衫，就咁睇系真，但啲印字好有问题！英超正版字唔系咁样㗎喎！你个friend可能濑嘢喎！”面对网民突如其来嘅质疑，何依婷都未惊过，更提供晒证明为朋友平反，亲自现身留言，大展极高EQ：“朋友帮我买+印字㗎！扫了QR code～应该唔会系假挂？🥹”何依婷语气温和，又附上无辜表情符号，态度真诚又讨好，最后提出质疑嘅网民亦“转軚”，礼貌地接受解释：“Regina，谢谢你的回应。既然系official有认证，咁就系真嘢！希望你着得开心啦！本尊已回应。讨论完毕。”