陈炜揭遭嫩口男艺人力追 王梓轩成嫌疑人！

etin

被封为“千依百顺型人妻”嘅女星陈炜于综艺节目《夫妻肺片》自揭试过拍剧期间，被比自己年轻一大截嘅男艺人追求：“语言上好多撩你嘅说话”、“我年长过佢好多”，但佢表明接受唔到姊弟恋。点知节目一出街，网友即柯南上身，揣测男方有可能系同陈炜拍过《多功能老婆》嘅王梓轩。年龄相差13岁嘅二人，于剧中发展姊弟恋，当时王梓轩出席活动时，就曾于访问中多次公开大赞陈炜，直认自己拍剧时有爱上对方，自己更有少少抽离唔到角色。佢形容女方系“最正嘅女人”，并表示︰“唔系千依百顺，系有自己追求嘅事业谂法，自己都希望自己伴侣都系咁，但系难，咁多炜哥咩！”当时陈炜同陈国强医生已拍拖一年多，王梓轩被问到是否真系戏假情真爱上陈炜时，佢直言︰“少少啦！我要勒住自己，否则堕入悬崖，到时医生（炜哥男友）会嚟搵我！”见到网友热烈讨论，当事人陈炜都即刻现身，留言为前拍档极力澄清：“绝对不是Jonathan（王梓轩），请不要误会🙏🏻”睇嚟真相系另有其人。