黄宗泽带苏丽珊涂毓麟去旅行 玩转大西北

etin

艺人黄宗泽（Bosco）之前完成邵氏新剧《风华背后》时，曾在社交网表示：“如果乐小姐带大家去旅行就好啦！”引起同剧演员很大回响，齐齐转发支持，今次他先行带住剧中“龚家”两个表姐弟苏丽珊（Cecilia）和涂毓麟（Oscar）出发去大西北玩，兼拍摄网上旅游节目。此行三人去甘肃与青海延线玩足6日5夜，每日用很长车程去不同景点，所以都颇为劳累，更试过为赶行程在巴士上食午餐，犹如学生去旅行般，但各人全冇怨言，还自得其乐。Bosco之前曾到过青海及西宁等大西北地方，对今次行程有不一样的体验：“因为上一次纯粹拍一啲比较文教性节目，今次是真For Fun，全部都系教人点样去旅行、去打卡，或者搵一啲新奇刺激嘅玩意，所以今次真系几特别、几好玩。”

今次他只带了Ceci和Oscar去旅行，问怕不怕被同剧的蔡少芬、朱茵、林恺铃指他偏心，Bosco表示：“本来我第一次的提议系《风华》一家人一齐去，但第一次拍又好似唔敢惊动大家，所以我地呢啲小伙子就先去玩，先试吓个流程，如果下一次再去其他地方，睇吓边个得闲就嚟。”期间见他们在沙漠上一齐跳舞玩得好开心，问到跟两位年轻人去旅行感觉如何？Bosco立即抗议：“我都好年轻呀！虽然我系佢哋嘅前辈系事实，但我哋三个都打成一片，只系有需要照顾佢哋嘅时候，我都必须挺身而出，所以都冇分咩前辈。（一齐玩有冇代沟？）我觉得玩得最疯狂嗰个系我呀！”

他们所到之处都引起哄动被包围，连去厕所都有上百人包围住，但Bosco仍然笑容满面，还跟他们开玩笑，凼得大家好开心，Bosco说：“因为呢度都系游客区，有好多来自唔同地方嘅人，遇到一啲马来西亚游客喺呢度等咗我个几钟头，话想影一张相，尽可能唔影响到工作人员，唔影响到保安嘅负担，影到咪影，但当然要安全第一，你知道影一张有时候就一发不可收拾，咁你搞到保安工作量提高就唔好啦！”认真为人着想。《风华背后》播出若收视理想的话，Bosco可会再带台前幕后去旅行庆祝？他立即笑言：“多谢乐小姐！当然如果套剧收得，唔好剩系庆功宴咁简单，整个短旅行，有钱赚就攞啲出嚟请我哋去旅行，顺便拍埋节目，有收益、又可以慰劳员工，系唔系一举两得呢？”今次有幸成为“波总旅行团”其中一员，Ceci十分兴奋：“同波总（黄宗泽）一齐去拍嘢非常之开心，佢好照顾我哋，仲照顾埋工作人员，大家去体验咗好多唔同好玩活动，学到点样可以用一个好玩方式去做一个旅游节目。”

此行令Ceci印象最深刻的是大家是很有“团魂”，因为大家差不多是廿四小时在一起，睡眠时间不多，车程时间则很多，但大家完全没有呻过一句辛苦，而Bosco又会关心大家有甚么需要，所以今次Ceci真的有乐而忘返感觉。至于Oscar今次跟Bosco去旅行拍节目，事前没有紧张只有期待，因为之前拍摄《执法者们》及《风华背后》时已相处过，感觉似一家人。近日首位港产太空人上太空，Oscar也来凑太空人热，在青海沙漠以太空人装扮示人，他解释：“扮太空人系拍紧波总做导演嘅微电影，但我觉得好似系惩罚我多啲，因为波导第一句就系你瞓低，佢仲扮怪兽袭击我，但真系好好玩，之前我未嚟过大西北，好多景点都好靓。”