杨思琦“衰老实”认恋李泳豪 罕谈女儿生父吴帅关系

etin

艺人施明离世，令李泳汉、李泳豪兄弟不和浮面，李家鼎亲揭家事，此事亦意外地令李泳豪前女友杨思琦获得平反，不少网民更设立“杨思琦道歉区”向她致歉，戏剧性十足！杨思琦早前接受HOY《九运会客室》访问，谈到当年公开与李泳豪的恋情，思琦直认“衰老实”：“开头做Freshman、新人，咁我真系拍拖，啲记者问你‘杨思琦，你系咪拍紧拖？’咁我咪话系啰……实则我拍紧剧个剧组100对couples都拍紧拖，但佢哋冇人出嚟认，我嗰时真系好蠢，我做乜认呢？我应该唔好认呀，我依家大个，嗰阵如果畀我选择，我唔鬼认，咁依家你哋咪唔知道我拍咗拖啰！”她直言公司事后都有叫她“收埋”，但她心想：“已经讲咗，点收埋？！”
对于被闹足十几年“贪慕虚荣”、“拜金女”，思琦则以“百辞莫辩”回应：“我唔系咁嘅人，如果真系要搵个有钱嘅，我出嚟都会有人介绍，我连街都唔出，有人话‘嗰个又好好，好富有！’‘唓？关我咩事呀？’”她承认与李泳豪拍拖期间都曾有人追求，但自己没有理会。对于近日获网民留言为她平反，思琦直言有点始料不及：“分开咗有十几年，嗰件事到依家……但系我真系冇谂过，譬如我直播，网民走入嚟话‘我好支持你，加油！’......我不嬲都闹衰晒......成日都话我衰，都冇人赞我好嘅，所以好感动！同埋我问心无愧！”杨思琦与李泳豪分手不久便突然公开有BB，爸爸是内地前跳水运动员吴帅，主持问她“点解咁冲动？”她回答：“唔系冲动嘅，当时已经（同李泳豪）唔系一齐，咁啱啱展开咗，而呢个（指吴帅）系我以前认识嘅，而唔系话识咗十日就走去结婚嗰啲。”
追问关系维持了多久时，思琦表示：“我谂……你真系考我，我点答你呀？维持咗几耐……以前已经系认识，未同豪仔拍拖，已经系认识，唔系话你分手，之后先突然间认识咗新嘅一个。”她续说：“但系冇谂过原来系唔可以喺埋一齐，本应想走到去结婚嘅阶段，但系唔能够，你估玩咩？无啦啦生个女，梗系想有好结果！大家都有共识，但系发现有啲嘢真系唔OK，未必接受得到，成世㗎喎，咁你觉得唔OK，就算我有个女，咁我唔好意思，我真系唔可以一齐，但系我呢一个（小朋友）我都会keep住啰，因为系上天俾我嘅礼物嚟㗎嘛。”杨思琦的现任老公身份依然成谜，问到思琦何解现时的老公收得咁埋，思琦笑言：“系，收得好埋，我唔敢讲，我唔敢再讲，唔好再问我！你知啦，踩蕉皮踩得多。”但她表示老公很疼锡她与前任所生的女儿Krystal，一家人生活得好好。