佘诗曼买礼物回赠契仔 合体陈山聪囝囝Jaco互喂冧爆

etin

视后佘诗曼工作忙碌之馀，亦会花心思凼契仔契女，十分爱锡他们。近日阿佘托人在上海买礼物送给陈山聪的儿子Jaco作“回礼”，她在社交平台Po出与Jaco的开心合照，大赞契仔醒目，见Jaco收到阿佘送的礼物，开心不已，他亦相当乖巧，亲自喂契妈食嘢，令阿佘甜在心头！两人更一齐拍广告，Jaco化身狮子仔与阿佘齐齐摆出狮子张牙舞爪的甫士，Jaco又为阿佘“加冕”。阿佘写道：“呢个契仔真系醒到不得了！话说儿童节，佢同老窦行街见到只Labubu话要买畀我（好明显其实佢系想我回礼），结果佢拣咗一份香港系好难买嘅礼物，终于系要叫人专登喺上海帮我买嘅。我特登等到我哋一齐拍广告当日送畀佢，收到嘅时候，佢当然开心到爆～而我就觉得佢醒到爆～依家啲小朋友真系好聪明。”阿佘更叫陈山聪悉心教育Jaco：“真系要悉心教育同谨慎栽培先掂！”Jaco亦非常乖仔，卖口乖留言表示会孝顺靓女契妈：“多谢靓女契妈！我孝顺父母之馀，将来都会好孝顺你！”网民纷纷大赞Jaco可爱又Sweet，当然亦有大赞阿佘：“契妈超好！”