郑俊弘宣布与无綫结束24年宾主关系 直言离巢感觉似离家出走

etin

艺人郑俊弘因夺得2001年新秀比赛亚军入行，他效力无綫长达24年，昨日（4日）他在社交网宣布离巢，他晒出大量工作照，并发长文分享在无綫多年来的点滴：“二十四年。呢段时间，我一直视TVB为我嘅家。当年一中学毕业，我就行入咗呢对大门；果（嗰）时嘅我，只系一个热血多过经验、对世界充满好奇嘅细路。而今日，呢个章节终于要画上句号。呢度有过好多美好嘅时光—走廊入面嘅笑声、变成家人一样嘅战友、仲有我哋全情投入去演活每一个触动人心故事嘅夜晚。当然，亦有过艰难嘅时刻—疲于奔命嘅劳累、自我怀疑、仲有嗰啲觉得自己做得唔够好嘅瞬间。但无论经历紧啲咩，我从未停止过对呢段旅程之感激。”

他亦有感谢曾合作及指导过他的工作伙伴：“多谢每一位教导过我、信任过我，或者只系喺收工后陪我食过一餐饭嘅监制、导演、幕后同事同拍档。多谢每一位陪住我成长、为我欢呼、甚至同我一齐流泪嘅观众-你哋先系令我坚持落去嘅动力。 ”他觉得得离巢就似离家出走：“离别系奇妙。一方面，我觉得自己好似第一次离家出走咁；但另一方面，我知道我并无放弃讲故事，只是到外闯闯。我唔肯定未来会系点，凡事都乐观一点，充满希望。因为当年嗰个17岁嘅细路仲喺我心入面-准备好再次学习、再次成长，去搵一个新嘅方式同大家连系。多谢 TVB，承载住我工作生涯嘅第一个二十四年。亦感恩同多谢每一位曾经同我同行嘅人。欢迎新嘅开始，欢迎大家嘅合作，欢迎新挑战。”