刘佩玥佛山骚变笑场大赛 张振朗口出狂言：惊唔惊叫我做嗲哋？

etin

艺人刘佩玥（Moon）近日在佛山举行演唱会，获张振朗助阵担任嘉宾，两人手拖手合唱《来夜方长》，然而，期间两人对望时，Moon即爆笑，振朗无奈说：“你笑咩？”幸Moon一秒投入接着唱，但未几轮到张振朗笑场，两人更笑到甩嘴，Moon笑言：“我阿妈话你一定系会影响我唱歌。我哋要嚟一段正经啲。”两人可爱又搞笑！合唱后，Moon即说：“呢场戏好难做。”振朗即表认同，并透露：“彩排时我系好认真，完全冇笑，入晒戏，唔知点解我听完佢讲，我阿妈话：‘同你唱，我会忍唔住笑’，我on show嘅时候真系忍唔住笑咗。”Moon指两人工作向来认真，刚才笑场只是意外，被妈咪诅咒成功，又大爆刘妈妈喜欢振朗：“我妈咪喺我第一场音乐会系冇嚟后台揽我或者叫我good show，但系今次，佢系为咗张振朗而嚟后台，因为要同张振朗影相。”振朗问她：“你惊唔惊以后要叫我爹哋先？”Moon初时不明所以，反应过来后她指对方过分及太曳，振朗为伯母讲好说话：“其实母女关系，一段好深厚嘅感情唔系从一句话说，好多时都系收埋心底，佢话想同振朗影相，其实只系想望住你。”Moon坚持不是，并指母亲面对她跟振朗完全两副面口。此外，Moon获好友蔡洁上台送花，两人更开心咀嘴，引来全场尖叫。