罗子溢拍动作戏伤而不退 牺牲睡眠坚持凑仔返学

etin

艺人罗子溢与王敏奕今日（4日）在欣澳为无綫新剧《警是个大佬》（暂名）拍外景，在车内拍摄模拟撞车戏。子溢自封动作演员，剧中有多场动作戏，既要被追杀又要杀人，幸拍摄时只有轻微擦伤，而每日开工也很开心。虽然子溢忙于拍剧，但也不忘凑小朋友，他称每日收工回家宁愿不休息，也要送小朋友上学，近日假期他跟太太杨茜尧带仔女到长洲：“真系好多人，搭船好似细个过关咁。（冇畀人认出？）冇，大家都头耷耷。我主要想带小朋友去张保仔洞，感受吓我以前嘅情怀。（开工都坚持凑仔？）呢个系必需，费事小朋友返到学校，老师问佢哋假期去咗边，但边度都冇去，而且太太冇我陪，佢未必咁有积极性。”

另外，林盛斌爆敏奕为剧集自费置装，敏奕笑称：“佢爆咗我啲贪靓嘢，多谢监制畀空间我拣衫，希望做出嚟件事系睇到有用心。（花咗几钱置装？）唔好讲，因为费事讲到好劲，但睇唔出。今日呢套系公司衫，我置装嘅衫同今日嘅风格都类似，因为套剧讲我好有想法，所以我设计一个style畀自己。”剧中饰演律师的她虽然没有打戏，但就经常被打，她大赞拍档子溢：“佢好好经常保护我，乜都话佢做，唔使我做，好Man。”又指他们不时要到偏僻郊外及污糟后巷取景，害怕蛇虫鼠蚁的她得子溢做开路先锋帮她先视察环境。