林峯兑现承诺 主题乐园亲子游变粉丝见面会

etin

随住《寻秦记》电影版爆红，片中位位主角都再次翻红，所到之处更系焦点，当中“秦王赵盘”林峯日前出席庆功宴时，就自爆情人节要“交人”，陪老婆同个女，话口未完，日前（12日）佢就被大批网友偶遇到佢现身主题乐园，仲任影唔嬲，大方零架子。同行亦有太太张馨月、圈中好友陈浩民及其太太，众人亦高兴同城堡合照。林峯一头金发sharp醒抢眼，难得佢见人就影，即使戴住口罩都难遮星味，见佢同唔同网友都喺同一个位合照，似乎当时搵佢集邮嘅粉丝已经排晒长龙，简直就系迷你粉丝见面会。另外，又有网民上载林峯与同行人士餐厅用餐嘅相，见佢夹餸时笑到四万咁口，似足古天乐曾于访问中提到林峯食亲饭都会不停大赞每一道菜“好食”，今次真系间接印证古天乐所言。