张学友开唱获契爷胡枫捧场 佩服94高龄继续追梦

etin

“歌神”张学友共20场红馆《张学友 60+巡回演唱会香港终章》将于本月24日圆满结束，在20号晚的尾四场骚上，为感谢曾合唱《只有情永在》的邝美云捧场，特别独唱《只》歌，又幽默说被合唱歌考起：“除去卡拉OK，都少唱合唱歌，我真系记得歌词，只系合唱歌唔知几时系男仔唱，几时系女仔唱，我搞到乱晒，多谢大家（观众）做咗邝美云，令我有机会唱番呢首歌，以后会唱多啲合唱歌。”学友表演完一字马后，解释必做此指定动作全为证明自己身手敏捷，自言常被朋友问为何不退休，而原因只有一个就是惊：“唔系惊冇钱使，我本身都好悭，有储钱，算系经济自由。”又谓曾拍过不少电影，其中一出《黄飞鸿》正是跟武打巨星李连杰合作，当时被对方的“鸳鸯脚”吓亲：“当时李连杰发生意外，佢其中一只脚断咗要打石膏，拍戏要坐喺轮椅度，有日同佢倾偈，佢将佢两只脚畀我睇，哗！吓得我好惊。”
之后用手比划脚的大细距离甚远，因此他觉得不可以休息：“如果我休息即系‘收工’，我唱埋呢三场半后就‘收工’啦，所以我好努力搵啲嘢出嚟做吓，尽快开工，喺舞台同大家见面。” 而另一场则获契爷胡枫大驾光临，台上的学友话：“平时有嘉宾嚟都好少讲，但你老人家嚟，我唔讲吓惊对你唔住，有人问胡枫有咩咁巴闭，如果你哋想知，不妨上网搜寻吓佢，我谂佢嗰条…，佢出道至今嘅事迹，可以睇好耐。”又指契爷唱歌并非最叻，但以94岁之龄仍追梦，确实令他佩服得五体投地：“我有啲嘢做唔到就喺佢身上搵，我真系唔知自己做唔到做 。”现年64岁的他更期望契爷可以推出自传，分享豁达人生观、个性善良及极具修养，他突然挑机契爷说：“听讲佢今年年中开演唱会喎，加油呀，我都加油，希望有朝一日破胡继修（胡枫原名）纪录，希望我破纪录时，大家都嚟睇吓我，好冇？”