陈庭欣10亿少奶梦碎 宣布与富贵男友分手

etin

前港姐冠军陈庭欣（Toby）与坐拥10亿身家富贵男友杨振源（Benny）拍拖8年，惟近日她自爆“结婚非人生Top 5”兼缺席男友生日，即惹情变疑云，Toby昨日（29日）出席活动，正式宣布分讯。Toby受访时大方直认已回复单身，她说：“知道大家都好关心，早排已经想同大家讲，但因为社会发生好多事，觉得唔系时候，既然有人问到就讲，我依家感情状况系单身，已经分开2、3个月，虽然大家都好想知，但呢啲都系我哋之间嘅事，都想保持我哋之间知道就可以。”她指分手是因“了解而不了解”，强调不涉及第三者：“相处过尝试过了解，了解到唔了解对方嘅想法，最重要系觉得双方三观唔一样。（包括结婚？）唔关结婚事，结婚其实我哋一早已经有共识，我哋都未有谂住去到呢一步，自己亦冇讲大话，都唔急住，所以绝对唔系呢个问题。”

她觉得两个人在一起不一定要向着结婚为目标，坦言社会上也有不少离婚个案。她很感谢对方在生命上出现过，虽然不能再一起走下去，但仍可以第二种方式相处：“生活上除咗拍拖仲有好多事要做，所以大家唔需要太担心。” 问到是否已搬离爱巢？Toby坦言这事情比较私人，只表示现正处理中，叫大家不用担心，自己很安好。谈到是谁提出分手？她眼红红说：“其实冇话边个先提出，有啲事去到嗰个位，大家都觉得适合呢个方向，我哋冇嗌交，依家都有联络沟通，我性格系唔会想不欢而散，每样嘢都系好来好去。”

她坦言跟一个人相处了8年，在这样长久的关系中，有时会好像迷失了自己，要深思一下自己究竟有甚么想做。问到会否感到可惜？她承认初时的确有点想不开：“但系当再同朋友倾偈或者去思考过往嘅事，我就会觉得，有时唔系因为8年时间去衡量系咪可惜，我觉得有啲嘢系好似首歌咁，应该放低时就放低，Let go啰！”问到情伤有否好了些？她说：“都可以，我性格比较正面，冇嘢会令到自己好唔开心，加上之前发生火灾事件，令我觉得唔好因为一件事而令到自己谂埋一边，家人好重要，要活在当下，好感谢有啲朋友陪我。（准备接受新恋情？） 当然唔Ready，话Ready都吓亲你，要沉淀吓先。”