何佩瑜心急拍拖偏爱熟男 母爱泛滥雪卵等生龙凤胎

etin

艺人何佩瑜外表冷艳，但家庭观却十分传统。目标要为挚爱诞下龙凤胎的她，直言正计划雪卵，静待“对的人”出现。她又发起举家旅行出席胞弟的毕业礼，顺便“见家长”，笑言心情份外紧张。英皇女神何佩瑜（Jeana）早前伙拍26岁内地型男马小宇，“处女下海”首次演出竖屏剧《约会的资格》，戏中两人不乏亲密接触，男方更奉旨赤裸骚肌展示Man爆一面！但原来镜头背后，Jeana大感尴尬：“佢细我成10年，况且佢整体感觉好似我细佬，加上竖屏剧拍摄方法要我哋企得好埋，唯一比较容易投入就系喊戏，谂番起同细佬嘅联系点滴，容易情绪波动。”现实生活中的Jeana对姐弟恋抗拒非常，多年来她都较欣赏“智慧成熟型”男士。很久没谈恋爱的她打趣心急想拍拖：“身边好多朋友结婚，系得我一路都遇唔啱。其实搵到个三观一致嘅人，大家要好好珍惜，真系好难得嘅缘份。”

她坦言情爱路上自己曾经于“错的时间”碰上“对的人”：“我觉得每个前度都系老师，一定喺某啲方面令我有啲得著，例如学识体谅别人。（以前喺野蛮女友？）试过我要出埠一个月，对方有嘢做开会陪唔到我，我攞住豆腐花上佢Office掷到一地都系！”Jeana很喜欢小朋友，梦想是当“龙凤胎妈妈”，已届36岁的她坦言正计划雪卵留保障：“我依家母爱泛滥，唔知发去边好呀！同埋我份人比较传统，想为挚爱传宗接代，好似我原生家庭咁，父母喺我14岁时‘追仔’成功，我细个时凑住细佬出街，都试过畀人以为我系坏女孩做咗未成年妈妈。（同细佬感情特别好？）都系，我试过逼佢陪我睇一部唔系好啱佢年纪睇嘅西片，后嚟讲番原来成为咗佢童年阴影！”Jeana胞弟已于澳洲完成了大学课程，下月将于当地举行毕业礼，她趁机发起family trip，一家四口到柏斯“叹世界”：“成家聚埋一齐唔一定要紧密行程，行吓、食吓、游吓水已经好开心，同埋最紧要系认识我细佬女友，见家长好紧张，哈哈！”