林保怡归零重启演艺路 网民力捧做视帝

etin

艺人林保怡相隔14年“回巢”，接演无綫热播剧《刑侦12》，演技获内地剧迷肯定，他却自爆曾嫌表现未够好，决定推牌重新再来，又自嘲：“唔靓仔又冇钱！”如今得到粉丝的爱戴，自然心存感激。林保怡于《刑侦12》剧内挑战患上严重解离症的角色，由于这套“烧脑剧”已于内地播完，不少网民纷纷剧透，又指其功力若未能登上视帝宝座，绝对令人跌眼镜！他接受访问时，提到年前凭电影《白日之下》先后入围金像奖、金马奖和金鸡奖，演技获得大众肯定，他坦言：“其实喺《玛嘉烈与大卫》之前，我觉得自己唔系想要呢啲嘢（表现）啰，所以作出检讨，好似块黑板咁擦走晒所有嘢归零，然后再重新填番啲想要嘅嘢上去。” 那段日子之前，保怡试过“前呼后拥”的生活：“一出街就Call车，身边一定有经理人、助手、化妆及梳头。（依家无欲无求？）唔系点啫？又唔系好有钱，又唔系好靓仔，仲有咁多人锺意自己，好开心㗎喇！”他又不断强调自己仅仅是名演员，私生活完全可以卸下明星光环，平日最喜欢走在街市买餸，即使被拍“街坊Look”亦平常心。

拍摄《刑》剧时，剧组最多试过出动5部摄影机同时间进行拍摄，当很多演员都担心会被拍“丑样”时，保怡却乐天表示：“冇乜所谓，拍我唔使特登去就（角度）㗎，人系会长大吖嘛，要接受自己。”他的大度，在于不仅想自己获得观众的肯定，更希望拍档同样获得关注，难怪他对同剧的张振朗及傅嘉莉很有要求，更因此产生“掟剧本”热议：“演员唔应该死记对白，嚟到片场仲要剧本做乜？咁套剧出街后，傅嘉莉同我讲有场戏点先可以好啲，我直接同佢讲冇得再嚟过，我哋依家拍嘅嘢，观众若干年后都只能翻睇同一场戏，今次演得唔好，咪惟有下次再努力啲啰。（唔怕畀人话好恶？）事实胜于雄辩，我哋煞科宴时好多人都因为唔舍得分开而喊。”想当年保怡以歌手身份出道，最终却变身演员，今次《刑》剧有份唱主题曲，问到他可有兴趣重返乐坛，他说：“有机会都好㗎，好想试吓同旺角银行中心嗰班后生仔一齐Busking，其实咁多年我都冇离开过音乐，只系平日喺屋企唱英文歌多啲。（后悔当年放弃歌手身份？）冇喎，唱歌系我嘅兴趣，唔想太商业变成搵食，迫我唱啲唔啱我嘅歌有乜谓啫？好彩我决定转跑道，都算转身转得几靓吖！”