黄浩然拒畀电话异性 自爆离巢无綫真相

etin

6年前离开无綫的黄浩然重投电影圈。同年亦受到两儿子鼓励而接受了新挑战，他将于6月13日起伙拍连诗雅、姚焯菲、MIRROR成员Tiger等后辈，演出首部音乐剧《三．八》。黄浩然接受访问时表示1996年入行曾有想当歌手的心愿：“我学过两年唱歌，谂住系会唱歌兼拍戏。公司以前都有唱片部帮吴倩莲出唱片，但之后觉得自己净系拍戏都应付唔到。”放下歌唱兴趣近30年，今年接受挑战，在音乐剧中又演又唱又跳，心态一如6年前离开无綫舒适圈般：“无綫嗰13年收入OK，工作虽然辛苦，但系好感恩，我唔系亲生仔（经理人合约）都好多机会，所以更感恩！”当年有指他离巢是因为他不是亲生仔，以及因与视帝或男配角奖无缘而心淡，他重申：“唔系！唔系！我只系想试多啲嘢！因为我睇到我两个仔，5、6年前佢哋都不停作新尝试，细细个都咁有勇气，令大人都有启发，令到我想突破吓自己，再接触番电影或者音乐剧。完全跳出晒框框，其实咁先好玩。”今年亦是他与太太结婚20周年，由入行至2005年结婚至今是出名“好男人”、“好爸爸”，且零绯闻。

当被问及如何避开娱乐圈常见的狂蜂浪蝶，他续说：“我冇遇过喎！哈哈！其实好多女演员都讲，杨怡都话‘我冇黄浩然电话㗎！佢唔会畀电话人！’我以前真系好少畀电话异性，异性系好少有我电话。系咪刻意避？你问我，我都会惊㗎嘛，无端端半夜两点有个异性WhatsApp你，你话会点？如果对方冇你电话，咪唔会WhatsApp到你，你话我避就避啦！以前我真系咁谂过。”结婚20年以来夫妻共度最艰难的一关，他坦言是在2014年免疫系统出现问题，历患“贝赛特氏症”的时期。当时他一度停工数月，男一剧《张保仔》也要被易角，他说：“幸好主诊医生系太太嘅舅父，佢一直知道我有问题。最危险真系会死，因为系免疫系统攻击自己，神经末梢、肺、心脏都会发炎。系必须即时休息，系需辞演。

公司都好快搵到人代替我嘅角色，我就明白到好多嘢包括工作，都可以有人替代你，但系唯独你做爸爸、老公、或者做我父母仔女嘅身份，都系冇人可以取代你。咁之后我就会谂，做任何事都要取得平衡。”回想未病发前拍剧的工作状况，他说：“好多人听到都会‘哗’一声，嗰十几年，除咗年初一、二、三，其他日子都唔会放假，有得瞓嘅日子都系瞓4个钟。试过最长通告系一个月内连续拍60个钟，就系同时拍《公主嫁到》同第二辑《巾帼枭雄》，两套剧有一个月重叠，系几辛苦㗎。所以依家人大咗，就明白冇话边样紧要啲，但就知道唔好某啲事做到咁极端。”他指6年前重遇古天乐经理人Ronnie斟合作时，是因为公司理解他重视工作与家庭之间的平衡，才促使他转投古仔公司。