张曦雯生日开工惊喜切Cake 陈豪拍外景任影唔嬲

etin

艺人张曦雯（Kelly）日前（11日）35岁生日，早前已经自爆生日要开工嘅佢，获新剧《侠医》一众台前幕后为佢惊喜庆生，当中就见到男主角陈豪、谭凯琪等现身，仲拎出画有Kelly Q版Look嘅蛋糕现身，生日牌更写上“Happy Birthday妹”，个个当佢自己个妹咁锡，搞到Kelly都好冧猪，即刻要影低放上Story同大家开心share。而集万千宠爱在一身嘅佢，都继续为新剧忙个不停，近日佢又被拍得同陈豪、Kelly等现身街头拍外景，吸引不少街坊驻足围观。靓仔靓女同场，自然大家都机不离手影唔停，出名Nice爆嘅陈豪更加系对住镜头面露微笑，仲坐定定直竖拇指；Kelly就一身清纯打扮向大家晒V，乖巧模样又再美出新高度。