陈茵媺母亲节获仔女送惊喜：佢哋会用自己利是钱买花

etin

艺人陈茵媺昨日（10日）出席蔬果活动，提到母亲节，她称交由小朋友安排为她带来惊喜，而她就负责给奶奶安排：“老公（陈豪）会教佢哋点同我庆祝，以往会High Tea，佢哋会一齐送花，因为我好锺意花，不过都系老公准备，但小朋友会用自己嘅利是钱，虽然老公唔系咁想用佢哋嘅钱。因为老公都忙，所以好难得一齐High Tea。”提到上月生日，陈茵媺笑言上月非常忙碌，因为自己跟女儿及陈豪也是4月生日：“囡囡每年都好期待生日，因为以往我都会帮佢搞到好丰富。”她指陈豪虽然忙于拍剧，仍抽空一小时返家为她庆生，令她十分惊喜：“我哋两个都系好注重仪式感嘅人，觉得生日一定要一齐过，庆祝对方嚟到呢个世界，而且一年只有一日。”另外，有指陈豪一个撑起全家，压力大，又忙拍剧及咖啡店生意，以致头顶出现脱发现象，茵媺表示未有留意：“我冇留意，不过佢真系好忙，又要拍剧又要打理咖啡店生意，我觉得佢依然系咁靓仔。（依家港人北上，影响咖啡店生意？）我又唔觉得，生意OK，Very Good，我身边好多朋友同我一齐，都锺意饮杯咖啡嚟放松吓，呢个已经成为习惯。”