冼色丽神隐8年结婚生埋女 改名复出图发围

etin

艺人冼色丽近日宣布复出，坦言今次不走回头路，争取机会发围！原来失踪的这段时间，她荣升人妻兼人母，更获丈夫全力支持重投娱圈怀抱。冼色丽年前凭参演电影《囡囡》及《喜爱夜蒲》打响知名度，不过自2015年约满英皇后，足足有8年时间消失在香港观众眼前。近日她再次签约英皇旗下，决定重新出发，并经公司找高人指点，易名“阮雅”，希望给粉丝新鲜感兼获得关注。​受访时她形容自己“从来都冇红过”，又指以往受性格影响，完全不懂争取机会：“以前一见人多就惊，即使有野心都喺心入面，依家要爆发出嚟！目前机会唔多竞争又大，所以有机会就要冲，样样嘢都试咗先，好彩手头上已经有啲嘢倾紧。”问到是否觉得浪费了8年光阴，她坦承：“当初好想返内地一试，谂番转头就梗系一动不如一静啦，不过中间有4年系俾疫情打断，系意料之外嘅事。”

​原来在等待的4年中，她在无预警下完成了人生大事：“同拍拖多年嘅男友结咗婚，依家有个19个月大嘅囡囡，年尾小朋友可以上学习班。我两样嘢都系顺住咁去，好似老公求婚后，根本办唔到婚礼，屋企人就话不如注册咗先，后来只系请咗约20位至亲观礼，连婚纱相都系嗰日影咋。”荣升张太后，她便与老公尝试“造人”，更搞笑说：“我哋都只系怕唔生BB嘅话，惊老咗会后悔。依家囡囡都好精灵，朋友话佢生得好似我，直情系翻版。（再生？）唔会喇，我哋所有专注力已经用晒喺囡囡身上。”今次复出，她指老公全力支持：“我有谂过做其他嘢嘅，系佢叫我唔好嘥时间，因为觉得我最锺意都系演戏。依家嘅我系唔会谂太多嘢去阻住自己，同埋会用心及坦承去面对观众，希望大家都感受到我嘅诚意。”