连诗雅公开B女中文名 原来唔系叫“陈彻”

etin

歌手连诗雅（Shiga）上月为老公陈家乐诞下B女Camila，升呢做新手妈妈嘅佢虽然依家专心坐月，不过都经常玩社交网分享凑女经，佢昨日（4日）大晒同囡囡嘅最新合照，佢特别安排Camila于出世17日时影初生BB写真，小公主的写真以粉红色为主，相当得意。​Shiga首次留言公开囡囡Camila的中文名字，本身由佢佗B嗰阵，陈家乐已经谂好个女中文名叫“陈彻”，不过被所有人反对，因谐音会变“陈设”，惊囡囡长大后会被同学笑，Shiga今日终于公开囡囡个名，决定系叫陈星颐，称呼囡囡做“星星”，而陈家乐就表示：“我嘅BB。”一众好友唐诗咏、区永权、杨潮凯等，都有留言大赞B女好靓女。