马国明3句不离汤洛雯 爆老婆广告费够养起头家

etin

视帝马国明出席宣传香港品牌活动，在台上3度提及太太汤洛雯，指受她影响爱上网购，而太太偏爱在网上买衫及饰品，又指如直播带货护肤品时，会先请太太试用。讲到三句不离太太，他继续大谈爱妻说：“我以前冇呢个习惯，但受佢影响，发觉网购好方便，拣啱先再去实体店再睇，悭番好多时间，我唔系富三代，唔系咁多时间行街，要开工嘛，但暂时未需要买BB嘢。”而他最锺意在网上订购传统摆设，自认传统兼老土：“会买福禄寿嗰啲，不过系潮同卡通版。（有冇买多仔佛？）我阿妈屋企有，唔介意朋友送，唔会嫌老土，觉得中国传统要保留，譬如新年派利是嗰啲。”

对于被赞以粉蓝色西装上阵特别帅气，他就说是时装设计师朋友的功劳，又自嘲以往造型经常出事：“时装啲嘢我识条铁咩。”同时太太也会为他置装，再赞太太好厉害，一个人在家中拍网上广告，他说：“以前佢会叫经理人帮手拍片，但依家发展到佢自己都得，添咗好多靓器材，自己打灯，拍摄，再剪片做剪接加埋字幕。（太太一个人赚埋广告费喎？）系呀，佢可以帮我拍埋广告，仲可以养埋我，但我系传统男人，都有畀家用嘅，佢成日都讲我啲钱系佢啲钱，佢啲钱系自己钱。”另外，他虽然在无綫新剧《巨塔之后》担任客串角色，但稍后将和萧正楠返内地赶开工。