反黑英雄︱陈少邦被袁伟豪监生辘死 展现极痛式演技

etin

艺人袁伟豪（Ben）于无綫剧集《反黑英雄》与陈少邦乃仇人关系，其中一集讲述陈少邦被Ben开车反覆“监生辘死”，由于少邦展现出被辗压时痛至暴现青筋、痛到失禁、颤抖着双脚在地上辛苦爬行的苦况，结果被形容为“极痛式演技”。

少邦受访时透露该场被辗压戏份足足拍了一个晚上，并感恩剧组做足安全措施，令他有安全感，更指今次是从演以来首次被车撞：“其实拍呢场戏主要系喺架车底下加啲辘，方便工作人员推架车埋嚟夹我，我企嘅地方有个木架畀我做Buffer，当阿Ben开架车辘过我时，我就要喺车尾度跳出去，到佢再褪后辘我时，我又要即刻缩番入去，又喺车头跳番出去，虽然咁样跳出跳入都几辛苦，但觉得几好玩！剧组仲专登帮我喷湿咗条裤，制造受重伤后失禁嘅效果。”问到场口NG次数，少邦笑言NG得最多竟是掟电话：“部电话仲要一开始就畀我掟到烂晒，个面碎晒，剧组要即时黐番，因为个道具电话得一个！”

对于愈做愈奸，有网友封他做“新一代奸角专业户”，对此少邦坦言享受做奸角：“最开心系得到大家认同，觉得好有满足感，因为我都做咗一定数量嘅奸角，所以我对自己嘅要求同压力都高咗好多，好希望自己可以再进步，每次可以畀到唔同嘅感觉观众。”谈到少邦与阿Ben当年一同选校草入行，今次相隔27年合作拍剧，少邦大嗌好玩：“今次系第一次同佢真系有对手戏，正式合作好开心，因为大家都多咗唔同经验同睇法，为咗件事好会不停谂啲嘢去切磋，合作得好有火花。”