阿Sa放盘全城关心 连骗徒都约相睇

etin

蔡卓妍（阿Sa）今年8月宣布同拍拖6年嘅富三代石恒聪分手，变返单身贵族嘅佢，事后亦透过不停同屋企人四围去旅行散心，并强调同对方再见亦是好朋友。虽然阿Sa回复单身，但向来朋友多箩箩嘅佢，身边都有唔少人关心佢嘅感情动向，甚至仲透露有唔少朋友主动介绍男仔比佢识，而日前出席活动嘅佢，亦透露身边有追求者，可惜因为要准备开演唱会，所以冇时间去谂感情事。然而，睇嚟唔止得身边朋友及粉丝关心阿Sa嘅感情动向，就连诈骗集团都相当担心。日前，阿Sa就喺社交网晒出一则诈骗讯息，对方第一句竟然系：“你好，我系王医生嘅朋友，佢话我同你相睇嘅。”别具创意嘅诈骗手法，令阿Sa觉得好笑又无奈道：“乜料？”骗徒手法认真层出不穷。