袁伟豪有仔万事足 收工即扑医院探BB

etin

艺人袁伟豪昨日（24日）出席锦标赛开幕礼，太太张宝儿于上周五（17日）诞下6磅13安士男婴，刚成为爸爸的伟豪自言时间过得很充实，称前晚才从深圳拍摄无綫剧集《法证先锋6幸存者的救赎》回来，紧接着就到医院探望太太和孩子，昨早是直接从月子中心赶来活动：“坐车坐四五个钟，返嚟一见到BB，就会觉得好满足，咩辛苦都忘记晒，可以好坦白讲，依家做嘢咁辛苦就系为咗返去探BB（太太几时出院？）冇咁快，都要住返一两个星期先，佢身体都慢慢康复紧，而且医院有一站式服务，有专人陪佢坐月，佢有咩需要都可以即刻搵到医生，令我安心啲。”称太太发给他的孩子活动片段，是他努力工作的能量。
袁伟豪亦透露太太现阶段会亲自喂哺母乳：“我相信佢都会好满足，一个第一次生产嘅女性可以做到呢个亲子关系。”又指太太身体回复进度良好，开刀生产后第二天已经可以落地。问到孩子需要照蓝灯是否有黄疸情况？袁伟豪说：“系有少少，特别系第二第三日皮肤就有啲黄，所以就畀佢照吓灯做啲护理咁，今朝去睇佢都OK（BB似边个？）我觉得佢似我多啲，鼻高高，鼻头仲有啲肉，不过佢下巴尖尖就似妈咪，但暂时都仲系蒙蒙眼。（想唔想再生第二个？）我哋有两个选择，一个系等宝儿身体好，就再继续努力，另一个系畀宝儿工作吓先，等BB大个啲先再追第二个，等孩子佢哋有个照应，不过两个选择都系开放嘅，未决定。”至于BB的名字，他表示有请师傅算，已经有一系列的名字可选用，但暂时还未决定好。