林峯未经修图真实状态曝光 爆晒须根佬味浓

etin

剧集《家族荣耀之继承者》目前正开拍得如火如荼，更系艺人林峯同佘诗曼相隔9年再度合作拍剧，令唔少剧迷引颈以待。而早前，随着林峯同佘诗曼喺中环码头一带开工拍外景，畀唔少网友偶遇影相后，日前又有网友喺中环街头偶遇林峯，并分享喺社交网。只见网友喺社交网写道：“在路上无聊的走走，没想到林峯就在我面前，所以香港随时都有偶遇明星的机会。”并晒出一张同林峯未经修图嘅合照，只见头戴黑色冷帽及方框眼镜嘅林峯，满脸须根望落成熟稳重，佬味浓又Chok到爆嘅街Look，引嚟唔少网友赞不绝口。