高海宁拍拖睇缘分 买砖头当储钱

etin

艺人高海宁（高Ling）昨日（7日）现身《思家大战》，指在彩排时十分紧张，因为要在20秒内抢答：“玩呢个游戏聪唔聪明唔系重点，反应快先系最紧要，佢好考你个一刻脑入面浮现啲咩出嚟。”指希望可以赢取奖金，以帮补家计。
​她透露现在的住处是租的，而自己持有的物业则放租，被问会否考虑再置业？她说：“我身边所有人都叫我唔好买住，依家好多人都卖楼攞现金然后租楼住，因为就算依家买楼，但只要佢跌一成，嗰一成嘅钱已经可以租几年屋住。”指自己的储款方法就是买楼和银行定期存款：“赚钱好辛苦，唔熟悉嘅投资方法我唔做。”她透露现时拥有的物业全权交由父母管理：“租金要加几多，都系佢哋话事。（姑婆屋？）呢个名唔系几好，不过无论点买多几层楼都系开心嘅。”

谈及择偶，她表示相信缘分：“呢啲嘢唔可以夹硬搵，系要讲遇到，虽然啲朋友都会介绍啲笋盘畀我，但最后出嚟见面系要讲两个人适唔适合，我成日觉得时间好重要，喺呢一刻对方想唔想稳定，要睇缘分。”她亦指有在社交平台上祝福黄智雯结婚，认为每个人的感情运不一样，并强调不会闪婚：“因为了解嘅过程都需要时间。”