罗嘉良陈锦鸿《创世纪》后再合体 勾集体回忆

etin

视帝罗嘉良（捞家）于1999年同陈锦鸿合作嘅剧集《创世纪》，成为经典，喺剧中饰演许文彪嘅陈锦鸿同饰演叶荣添嘅捞家，有唔少斗过你死我活嘅场口，深入民心，成为唔少网民嘅集体回忆！陈锦鸿早年因照顾自闭症儿子而淡出幕前，近年已复出拍剧，仲转战内地，不时登台演出，同过唔少昔日好友碰面，日前佢就同捞家合体开工，即时勾起回忆杀！​不过就未有佢哋呢次拍摄详情，引起网民猜测佢哋系咪一齐拍广告，而捞家最近忙于为剧集《家族荣耀之继承者》开工，有人估陈锦鸿系咪有份客串演出？仲有网友召唤喺《创》中，佢哋嘅好兄弟郭晋安，想佢哋三兄弟再度合体添！