|
艺人苟芸慧同有米老公陆汉洋结婚5年,一度被传婚变,仲话佢哋已分居好耐,不过早前有指老公已箍煲成功,关系破冰。心情靓爆嘅佢,神隐3个月后,前日(16日)佢终于都拍新片见人,并留言:“好久不见。”佢戴手上巨钻,目测有8卡,大晒富贵幸福生活,真系引死人!
早前尝试酮饮食减肥嘅佢,3星期已经瘦到有V煞脸,重回颜值高峰,依家佢都仲Keep到good shape,女神地位坐得稳。不过自今年3月佢上载孖辫相,及5月底宣传慈善相关广告后,就未再更新,呢次见佢今次见人状态愈战愈勇,着上白色上衣嘅佢,养眼又够索,佢边自拍边举杯,大叹靓酒,仲顺便晒埋手上巨钻,配上成枱美食,及大大盒玫瑰花盒,认真令人羡慕!
|
|