汤洛雯唔搵马国明拣婚纱：希望佢到时会感动唔系天然呆！

etin

准新娘子汤洛雯（靓汤）昨日（13日）出席新港城中心活动，活动上她讲到有潜水牌兼热爱潜水，问她有否想过搞水底婚礼？她坦言不会考虑：“因为个头会乱晒，而且马国明唔止唔识潜水，佢连游水都唔识，我都好想带佢去潜水，但我想佢学识游水先，怕佢落到水底会惊，等佢熟水性多啲先学潜水。”
她又指发现男友马国明除了出埠拍节目外，甚少去旅行：“想带佢去阳光与海滩。（度蜜月去耐啲？）想去几个地方，由热去到冻，用度蜜月嘅名义花一个月时间深度游。（马国明去咁耐系咪OK？）佢话唔买嘢就OK，斋睇OK，我都怕自己咁耐冇去会疯狂Shopping，不过依家要筹吓钱先。”提到婚礼筹备进度，靓汤透露将会跟朋友去拣婚纱：“唔会叫马国明一齐去拣，想畀惊喜佢，费时佢到时冇感觉，因为佢平时都成日见我着晚装，希望佢到时会感动，而唔系天然呆。（会拣咩款式婚纱？）想少布啲，唔系，我讲错，系想简约啲，唔好太多一层层，我唔会太性感啦！”