|
艺人陈家乐与泳儿日前到将军澳出席慈善活动,家乐改变形象,染了一头金灰发,他打趣说:“知道今日同泳儿出席活动,衬番佢啫,哈哈!其实系同发型师研究后决定试新嘢,我未试过咁,同埋一、两星期就甩色嘞。(太太连诗雅有乜反应?)佢几锺意,其实之前拍过部电影,试过喷类似嘅色上头,当时佢反应唔错。”有记者笑问发色是甚么颜色时,泳儿即打趣:“咪‘出色’啰!”
谈到接下来工作,家乐透露将“进军乐坛”:“会早啲同音乐有关嘅嘢,所以已经决定跟泳儿嘅歌唱老师上堂。”记者即指泳儿变身师姐,她说:“咁我都去学演戏,做佢师妹!”家乐透露其实以往二人有一齐上演技班。问到泳儿觉得家乐歌声如何,她说:“佢结婚嘅时候都有唱歌,觉得佢情感行先,咁唱歌要有感情嘛。”谈到当初参加“新秀”入行,家乐说:“当时系啲同学同以前嘅女朋友帮我报名,佢哋话我唱歌系全校最好听嘅,我就听咗佢哋讲,不过都多谢佢哋间接令我入到行。”
对于太太早前于社交网发贴文,将返内地开骚,却误用“国外”一词,家乐说:“佢公司已作出处理,我唔再评论嘞。(太太有唔开心?)佢专注准备,落力练歌,我反而希望佢多啲休息,我唔想喺屋企听佢唱太多。”家乐补充指是太太与同事沟通出现问题,可能有所误会,而社交平台由其同事代为负责,目前太太唯一可做的,便是专注工作:“除咗内地,嚟紧佢都倾紧去马来西亚,甚至美加演出,真系好紧张,我希望到时尽量陪住佢出骚,我正积极考虑紧尽量去晒咁多个站,所以先唔想佢喺屋企练歌,希望保持新鲜感。”
|
|