周嘉洛原来未返《爱．回家》 飞泰国孖朱敏瀚跳电臀舞

etin

艺人JW（王灏儿）、陈滢及朱敏瀚近期一齐出发泰国拍旅游真人骚，可惜原定同行嘅周嘉洛就临时被钦点重返《爱．回家之开心速递》剧组，最终无奈“甩底”。不过，正当大家都因为“3缺1”而难过之际，昨日（1日）周嘉洛就喺社交网晒出自己喺泰国玩嘅靓相，原来拍完剧嘅周嘉洛已经急急脚Join返班朋友外，大家都终于唔使再带住个“嘉洛公仔”寄情喇。
4个年轻人去旅行当然玩得叹又癫，只见陈滢喺社交网晒出嘅片段中，大家除咗上山下海玩转赛场外，周嘉洛仲孖住朱敏瀚大跳电臀舞，妩媚舞姿不输女星。另外，周嘉洛亦喺社交网晒出自己喺泰国街头行Catwalk嘅性感影片，简单嘅休闲打扮比佢着出时尚感之馀，婀娜多姿嘅猫步更系笑死众人。