林夏薇生日晒线派福利 孖胡定欣陈山聪开船P玩餐饱

etin

艺人林夏薇（薇薇）昨日（30日）生日，佢前日（29日）好开心咁同一班圈中好友胡定欣、赵希洛、陈山聪、林子善等，齐齐开船P玩餐饱。身为寿星女嘅薇薇就以黑色一件头泳衣亮相，风骚晒事业线以及一对白滑长腿，相当吸睛。而胡定欣依旧保守上阵，赵希洛就嚟个性感Deep V！之后薇薇仲同一班好友饮酒兼影大合照，玩得好开心。薇薇接受访问表示：“好多人啊，系呀，开紧工。难得有假期可以生日同朋友一齐出海玩，今年系第二次出海，对上一次系爸爸生日，本身惊落雨，天公作美，好开心！但有遗憾系有啲朋友要工作夹唔到时间嚟，不过佢哋都好有心，送咗啲好窝心嘅礼物，生日愿望都系希望身边人健康快乐！”