专业！王卓淇8度着泳衣介绍泳池 镜头前后两个样

etin

前港姐王卓淇早前去到广东拍摄HOY TV旅游节目《独家旅行团》，佢就自爆拍摄22日，佢就有16日都要着泳衣，估唔到原来佢镜头前后“两个样”！最近佢上载花絮片段，自爆为配合拍摄进度，佢曾于气温仅得8度嘅寒冷天气下，仍要去到室外以泳装出镜，更走到天际泳池旁，虽然未知最后有否落水，不过见佢由本身淡定行去池边，到最尾忍唔住冻到狂嗌，都知当时真系好难顶。镜头前见佢表现从容，点会知道原来当时温度得8度，难怪佢上载片段时都要强调呢点：“试过8度海旁穿泳装的感觉吗？任何一个人不看今晚9点开电视首播的《独家旅行团》我都会很伤心的ok？”网友睇完即大赞佢专业，不枉曾得港姐亚军嘅头衔。