菊梓乔自觉已到适婚年龄 爆同吴卓羲关系混乱

etin

歌手菊梓乔（Hana）踏入兔年有个好开始，下月将举行演唱会，接住会到大湾区巡演，她寄望新一年事事顺利，因为生肖属虎的她去年犯太岁：“好多嘢倾到埋尾都冇咗消失咗，上年真系恐怖，好差，身体又唔系好好，又多阻滞，各样都唔系太顺利，依家犯完喇，我睇咗师傅话啲嘢会返晒嚟，有曙光，重新出发。”

在感情上她与绯闻男友吴卓羲最惹人关注，有指她去年秘密在内地会情郎，问到她的感情可有阻滞？她笑说：“我想我开心啲啰，我想有人令我开心啲，今我快乐啲。（点形容同吴卓羲关系？）都系咁啰。（冇进展？）唔知喎，我都唔知呀，我都好混乱。（冇安全感？佢太靓仔？）我不嬲个人都冇安全感，关咩事呀！”新一年她都想行桃花运，因为任何行业都想桃花盛放，她说：“人缘好，所有嘢都好（你旧年桃花唔好咩？）麻麻哋，可以好啲，我觉得最紧要开心，工作又好，都唔想困喺度，好似行唔到、停唔到嘅一个状态，我想行得顺啲。”

问到师傅可有对她的感情事赠言？Hana说：“我系一个重情嘅人，师傅话重情嘅人，你嘅情通常比较深厚，好少昙花一现嗰啲，都OK嘅，Keep住对人好，人哋都会对你好。”相士曾指她偏向年纪大结婚，她说：“过咗30岁已经系，都系呢啲年纪。”不过她觉得感情事冇得强求，至于可会考虑“雪卵”？她笑说：“冇做呢啲嘢噃，我觉得我身体都偏后生，OK嘅！”